Në ndeshjen e dytë gjysmëfinale të Kupës së Italisë, Milani mundi Interin 3-0 dhe u bë finalisti i parë i kompeticionit.
Pas barazimit 1-1 në ndeshjen e parë, zikaltërit nisën fuqishëm në San Siro me turmën në krah, por pas traversës së Dimarco (22′) dhe rastit të humbur të Lautaro, ishin kuqezinjtë ata që kaluan në epërsi me Jovic (36′) me një goditje të saktë me kokë.
Në fillim të pjesës së dytë, serbi shënoi golin e dytë (50′). Në minutën e 85-të, Reijnders vendosi fitoren në kasafortë.
Kuqezinjtë tani presin emrin e kundërshtarit të tyre në finalen e Romës më 14 maj, me Bolonja favorite pas fitores 3-0 në ndeshjen e parë ndaj Empolit.
