Në orët e para të mëngjesit të sotëm, një shpërthim ka tronditur qytetin e Shkodrës.
Një sasi lënde plasëse, i është vendosur një automjeti tip “Audi” i parkuar në parkingun e një supermarketi pranë Teatrit Migjeni në Shkodër.
Si pasoje e shpërthimit të fortë, automjete është dëmtuar pothuajse plotësisht.
Një person me motor i është afruar makinës dhe i ka hedhur lëndën plasëse.
Kamerat e sigurisë kanë fiksuar momentin, ndërkohe pronari i mjetit B.Freskina, ka deklaruar fillimisht se nuk ka probleme me persona të tjerë.
“Shkodër/Rreth orës 04:30, shtetas ende të paidentifikuar dyshohet se kanë hedhur një sasi të vogël lënde plasëse në automjetin e parkuar në bulevardin “Bujar Bishanaku”, në pronësi të shtetasit B. F., 40 vjeç. Nga ngjarja ka vetëm dëme të pjesshme materiale.
Shërbimet e Policisë dhe grupi hetimor kanë shkuar menjëherë në vendin e ngjarjes ku po punojnë për të përcaktuar autorsinë e rastit, si dhe për të zbardhur rrethanat”, thuhet në njoftimin e policisë.
