Karim Benzema thuhet se ka marrë një vendim për të ardhmen e tij mes thashethemeve që e lidhin atë me një largim nga Arabia Saudite.
Në afatin kalimtar të verës, Benzema mori vendimin që të largohej nga gjiganti spanjoll i La Ligës, Real Madrid, për skuadrën e Arabisë Saudite, Al Ittihad.
Sulmuesi francez ishte një nga shumë lojtarët me emra të mëdhenj që la Evropën për kampionatin e Lindjes së Mesme.
Lojtarët që i bashkohen Benzemas në Superligën e Arabisë Saudite përfshijnë Roberto Firmino, N’Golo Kante, Riyad Mahrez, Aymeric Laporte dhe Marcelo Brozovic.
Javën e kaluar, u raportua se skuadra e Ligës Premier, Manchester United po shqyrton një marrëveshje për të nënshkruar me Benzeman në huazim.
Përveç Unitedi, klubet londineze Chelsea dhe Arsenal, si dhe Interi gjithashtu janë lidhur me një lëvizje për fituesin e Topit të Artë 2022.
Tani, është raportuar se Benzema ka marrë një vendim për të ardhmen e tij.
Sipas gazetës franceze L’Equipe, Benzema pritet të qëndrojë në Arabinë Saudite pavarësisht thashethemeve të fundit.
Është pohuar nga rrethi i lojtarit se 36-vjeçari ndihet mirë dhe do të qëndrojë me Al Ittihad. /Telegrafi/
