Shqiptarët votuan me 25 Prill dhe akoma pas dy ditësh janë në ethet e pritjes së përfundimit të numërit dhe se kush do ta marri në dorë vendin tonë në katër vitet e ardhshme.
Për të gjithë supersticiozët që duan të dinë si do të jetë reagimi i tyre këto ditë mund të mësojnë këtu shenjat e horoskopit të secilit.
Edi Rama
Kryeministri ka lindur në 4 korrik, ndaj ai i përket shenjës së Gaforres. Gaforret janë më të keqkuptuarit nga të gjitha shenjat e zodiakut. Ndaj që në këtë përshkrim besojmë se tregon shumë për Ramën. Të gjithë ata që i përkasin kësaj shenje janë të paparashikueshëm, të thyeshëm dhe me plot komplekse, prandaj edhe kanë nevojë për përkrahje. Rama dhe të gjithë ata që i përkasin kësaj shenje, preferojnë që ndjenjat dhe problemet tuaja ti mbajnë për vete. Gaforret dëshirojnë të posedojnë, besoj se i thamë të gjitha me këtë fjalinë e fundi apo jo?
Lulzim Basha
Kryedemokrati feston ditën e tij të lindjes në 12 qershor, ndaj ai i përket shenjës së Binjakëve.Të jesh në shenjën ‘Binjakët’, do të thotë se u reagon shpejt aksioneve, jeni elokuent në të folur, tepër diplomatik dhe burim i pashtershëm i ideve të reja, që duket se Basha i gëzon. Nuk lejonjnë që fjalët e të tjerëve për ta, të kalojnë pa i vërejtur. Në çdo moment janë në kërkim të gjërave të reja që duan t’i bëjnë.
Sali Berisha
A e dinit që Berisha i përket shenjës së Peshores, duke qenë se ka lindur në 15 tetor? Shenja që quhet e balancave, duket se nuk i shkon shumë për shtat liderit historik të PD. Persona të këndshëm dhe me shkallë të lartë elegance, përshkruhen peshoret. Me një aftësi të spikatur në ndërtimin e partneriteteve me të tjerët dhe zakonisht e kanë të vështirë të kuptoni anën tjetër të tregimit. Shmangia nga problemet dhe nga situatat të cilat mund t’i sjellin probleme është një gjë që zakonisht e bëjnë. Janë diplomat të vërtetë dhe do të bëjnë çdo gjë që ta ulin tensionin e ndonjë situate të vështirë. E duket se mes shenjës dhe karakterit të Berishës ka më shumë pika ndarjeje sesa takimi.
Ilir Meta
Presidenti i Republikës ka lindur në 24 mars, ndaj dhe i përket shenjës së Dashit. Dinamik dhe udhëheqës janë tiparet kryesore të kësaj shenje, që duket se në rastin e Metës shkojnë më së miri për shtat. Të lindurit në shenjën e Dashit, urrejnë ta kalojnë kohën duke ndenjur dhe duke pritur aventurën apo fatin të vijë tek ta. Janë udhëheqës të mrekullueshëm dhe vetëbesimi i tyre është çdo herë i lartë. Rreziqet i pranojnë me një entuziazëm të madh. Edhe pse ndonjëherë ka mundësi të ndihen të pasigurt, askush nuk mund ta kuptojë atë. E për të gjithë ata që njohin mirë një Dash, me siguri që tanimë njohin mirë edhe tiparet e Ilir Metës.
Monika Kryemadhi
Edhe bashkëshortja e Presidentit është një Dash. Monika Kryemadhi feston ditëlindjen në 9 prill. E duket se lidhja e tyre bëhet edhe më interesante, duke qenë se të dy i përkasin shenjës që entuziasmi nuk i mungon në asnjë sekondë të tyre. Kjo mund të jetë lidhje e fuqishme emocionale, mirëpo të dy palët dëshirojnë të jenë ‘kryesori’. Marrëdhënia mes tyre është non stop një duel për të nxjerrë në pah fituesin. Zakonisht shenja e Dashit flet pa menduar shumë dhe pa i analizuar gjërat paraprakisht. Kjo zakonisht shkakton ofendim te të tjerët, mirëpo sjellja e tyre bën që ata të kenë mendim pozitiv. Nuk e dimë sesi çifti e ka zgjidhur këtë pjesë në shtëpi, kur të dy lënë pas sfidat politike.
Fatos Nano
Ish-kryeministri Fatos Nano ka lindur në 16 shtator. Dita e tij e lindjes i përkon me shenjën e Virgjëreshës. Kjo shenjë që më shumë i shkon për shtat femrave, sesa meshkujve, paraqitet si person i qetë dhe në kontroll të çdo situate. Mirëpo, në brendësi kanë një shkallë të shqetësimit dhe nervozizmit, por çdo herë jeni në përpjekje të përmirësimit të jetës së tyre. Inteligjenca është një ndër pjesët kryesore të kësaj shenje. Virgjëreshat i mbledhin faktet dhe pastaj i vëni në përdorim sipas nevojës. Kur i kombinoni këto me aftësitë analitike, bëhen person shumë të fuqishëm. Të tjerët, planet dëshirojnë t’i realizojnë me ndihmën e këshillave të tyre, sepse organizimi tyre bën që ata të ndihen më të sigurt gjatë kësaj. Besoj se duke kujtuar Nanon, do të kuptoni më mirë edhe Virgjëreshat e tjera.
Grida Duma
Ish-deputetja e Partisë Demokratike feston ditëlindjen e saj, një ditë përpara liderit të PD, në 11 qershor, duke qenë edhe ajo një binjakt gjithashtu. Ndër të metat më të mëdha të Binjakëve është karakteri i ndryshueshëm dhe të qenit të pabesueshëm. Kanë aftësi të mira të menduari e reflektuari dhe ndihen krenarë me zgjuarsinë e tyre. Kur Dielli ndodhet në shenjën e Binjakëve, duket sikur fluturojnë e nuk janë me këmbë në tokë, por ashtu si Virgjëresha edhe atyre iu pëlqejnë faktet, detajet e rëndësishme, për këtë arsye mund të bëhen detektivë të mirë. Gjithashtu shenjës së Binjakëve i përket edhe deputeti i PSD, Tom Doshi, i cili feston ditëlindjen e tij në 6 qershor. Ndoshta këto karakteristika përshkruajnë më mirë edhe karakterin e tij.
Elisa Spirolpali
Elisa Spirolpali ka lindur më 15 Mars dhe I përket shenjës së Peshqve. Karakteristikat e kësaj shenje janë: Nganjëherë humb kontaktin me realitetin. Ka një temperament të theksuar dhe kur nuk ja del mbanë mendon se mjafton vetja e tij për gjithçka. Por është më tepër sentimental se sa duhet. Ndonjë herë do që të jetë i fshehtë. Mendoni se i përshtatet shenja me karakterin Spiropalit?
