Çdo gjë ka shkuar sipas pritshmërive për Mancheste United në ndeshjen e sotme ndaj Newcastle në “Old Trafoord”.
“Djajtë e Kuq” kanë fituar me rezultatin e thellë, 4-1 me Ronaldon që e nisi nga minuta e parë dhe shënoi dy prej tyre.
CR7 do të zhbllokonte rezultatin në minutat shtesë të pjesës së parë, duke e çuar skuadrën me avantazhin minimal në dhomat e zhveshjes.
Pjesa e dytë do të niste me gol për miqtë që do të barazonin rezultatin në minutën e 56′ me Manquillo. Barazimi nuk do të zgjaste shumë pasi do të ishte përsëri Ronaldo që t’i kthente “Djajtë e Kuq” në avantazh për herë të dytë vetëm 6 minuta më vonë.
Dy gola të tjerë do të shënoheshin nga Fernandes në minutën e 80′ dhe Lingard në minutat e fundit shtesë për vulosur rezultatin në 4-1.
Me këtë fitore United ngjitet në vendin e parë, pasi Tottenham u mposht nga Crystal Palace. /albeu.com/
