Shkodran Mustafi ka refuzuar ofertën e Torinos, pasi ka arritur marrëveshje me Levanten.
Mediat spanjolle kanë raportuar të enjten se Mustafi tashmë ka firmosur kontratën me Levanten, që do të bëhet zyrtare gjatë ditëve në vijim.
Ai është pajtuar me kontratë trevjeçare, me mundësi vazhdimi edhe për një vit tjetër.
29-vjeçari te Levante do të transferohet si lojtar i lirë, pasi i skadoi kontrata me Schalken në fund të sezonit të shkuar.
Ndërkohë, Mustafi rikthehet në La Liga ku më parë ka qënë pjesë e Valencias nga viti 2014 deri në vitin 2016. /albeu.com/
