Përzgjedhja e gjyqtarëve të rinj të Gjykatës Kushtetuese të Republikës së Kosovës ka kaluar në fazën tjetër. Komisioni i Posaçëm ka shqyrtuar nominimet e kandidatëve dhe ka vendosur që ata që plotësojnë kushtet e parapara të vijojnë procesin.
Kryetari i komisionit, Vigan Qorrolli, njoftoi se në mbledhjen e mbajtur sot nën drejtimin e tij është vlerësuar përmbushja e kritereve të përcaktuara me Kushtetutë dhe ligj. Sipas njoftimit të tij, testimi me shkrim do të mbahet më 18 nëntor, ndërsa intervistimi me gojë më 27 nëntor.
Të lidhura
None found
Qorrolli theksoi se përzgjedhja do të mbështetet te ligjshmëria, transparenca, paanshmëria dhe meritokracia, me trajtim të barabartë për të gjithë kandidatët. Ai e cilësoi pavarësinë, integritetin profesional dhe besueshmërinë e Gjykatës Kushtetuese si vlera themelore për mbrojtjen e rendit kushtetues dhe forcimin e demokracisë në Republikën e Kosovës.
