Hapja e puntatës së “Për’puthen” u shoqërua me lajmin shqetësues për aksidentin e ndodhur më 25 shtator, ku u përfshi konkurrenti Sotir Marino, i cili po udhëtonte me motor.
Moderatorja Heidi Baci njoftoi se gjendja e tij nuk paraqet rrezik për jetën, duke qetësuar kështu konkurrentët dhe publikun.
Të lidhura
None found
Pas marrjes së lajmit, Xhesika mori leje të largohej nga studioja për të shkuar në spitalin ku ndodhej Sotiri. Ajo u shoqërua gjatë rrugës nga kamerat dhe produksioni.
“Jam shumë e tronditur. Shpresoj që të jetë mirë dhe jashtë çdo rreziku për jetën. Më e rëndësishmja është që gjithçka përfundoi me kaq”, deklaroi Xhesika.
Konkurrentët e tjerë i përcollën urimet e tyre për shërimin e Sotirit dhe shprehën dëshirën që ai të rikthehet sa më shpejt në studio.
Para largimit të Xhesikës drejt spitalit, Heidi Baci u bëri thirrje të gjithëve të tregohen të kujdesshëm, duke e përshkruar aksidentin si një ngjarje që përfundoi fatmirësisht.
“Ky është një rast me fat. Kujdesuni dhe mos rrezikoni jetën. Shpejtësia nuk fal”, paralajmëroi moderatorja.
