Gjashtë të mitur nga Shkupi u ndaluan më 04.10.2026, rreth orës 22:00, në zonën Qendër të qytetit. Operacioni u krye nga zyrtarët policorë të SPB Shkup.
Të lidhura
None found
Sipas dyshimeve, të miturit i kanë marrë para një të mituri tjetër përmes kërcënimit, ndërsa gjatë ngjarjes njëri prej tyre dyshohet se ka përdorur edhe një objekt të mprehtë. Ata dyshohet gjithashtu se kanë tentuar t’i marrin paratë një të mituri tjetër.
Pas përfundimit të dokumentimit të rastit, Njësia e Punëve të Brendshme Qendër dhe Bit Pazar pranë SPB Shkup do të paraqesë kallëzim penal për veprat penale “grabitje” dhe “tentativë grabitjeje”, të parashikuara në nenin 237 dhe nenin 237 në lidhje me nenin 19 të Kodit Penal./Telegrafi/
