Administrata e Gjykatës së Juridiksionit të Përgjithshëm në Kukës, ka ndërprerë punën ditën e sotme, duke protestuar për situatën e pazgjidhur të pagave në sistemin e drejtësisë.
Bojkoti do të vijojë edhe gjatë dy ditëve të ardhshme nga sekretariati dhe administrata e gjykatës. Përjashtim do të bëjnë vetëm shërbimet që lidhen me seancat urgjente, masat e sigurisë dhe urdhrat e menjëhershëm të mbrojtjes.
Të lidhura
None found
Problematika e pagave u shfaq pas vendimeve të Këshillit të Lartë Gjyqësor dhe Këshillit të Lartë të Prokurorisë për caktimin e pagave të gjyqtarëve dhe prokurorëve.
Kuvendi nuk ndërhyri për të zgjidhur detyrimin e ripërllogaritjes së pagave, pavarësisht vendimit të Gjykatës Kushtetuese.
Përmes bojkotit, administrata synon të ngrejë vëmendjen për çështjen e pagave dhe gjendjen e krijuar në drejtësi. Kufizimi i shërbimeve administrative prek drejtpërdrejt qytetarët.
