Kryeministri Edi Rama ka reaguar ka reaguar në lidhje me tensionet dhe përplasjet e një dite më parë gjatë protestës së qytetarëve përpara Parlamentit, dhe reagimit që pasoi në lidhje me ngjarjet nga Demokratët Evropianë.
Në një reagim në rrjetin social X, Rama e cilëson pengimin e deputetëve si një sjellje të neveritshme, ndërsa shigjeton Demokratët Evropianë, të cilët thanë se nën udhëheqjen e tij, vendi po vë në provë standardet demokratike.
Të lidhura
None found
Rama shkruan se Demokratëve Evropianë duhet t’u vijë turp që mbështesin këtë sjellje dhe përpiqen ta shesin, sipas tij, si kundërshtim demokratik.
“Pra, për llojin tuaj të veçantë të demokratëve dembelë, pengimi i deputetëve që të hyjnë në seancën hapëse të Parlamentit quhet “kundërshtim”? Ndoshta kështu duket nga rehatia e tastierës suaj. Por, jo për kolegët tuaj shqiptarë, nga e djathta në të majtë, të cilët u detyruan të kalonin mes një korridori sharjesh dhe dhune fizike, me vezë e madje edhe gurë të hedhur ndaj tyre, vetëm që të arrinin në vendin e tyre të punës. “, shkruan ai.
Më pas kryeministri përmend incidentin me deputeten Iris Luarasi, e cila u përball me aktivitetet në qendrën tregtare pranë Kuvendit.
Rama iu drejtohet Demokratëve Evropianë, duke thënë se Shqipëria është një vend më i lirë dhe më demokratik se sa, siç shton ai, “politika juaj mendjengushtë”.
“Dhe ju lutem, lëreni Shqipërinë të qetë dhe mos e përfshini në këtë histori. Shqipëria është një vend realisht i lirë dhe shumë më demokratik sesa politika juaj mendjengushtë. Ajo nuk meriton të bëhet çamçakëz në gojët mediokre të njerëzve që i shkëmbejnë faktet me angazhim të lirë politik.”, shton ai.
Reagimi i plotë:
Pra, për llojin tuaj të veçantë të demokratëve dembelë, pengimi i deputetëve që të hyjnë në seancën hapëse të Parlamentit quhet “kundërshtim”?
Ndoshta kështu duket nga rehatia e tastierës suaj. Por, jo për kolegët tuaj shqiptarë, nga e djathta në të majtë, të cilët u detyruan të kalonin mes një korridori sharjesh dhe dhune fizike, me vezë e madje edhe gurë të hedhur ndaj tyre, vetëm që të arrinin në vendin e tyre të punës.
A nuk ju vjen turp të mbështesni një sjellje kaq të neveritshme dhe ta shisni atë si kundërshtim demokratik? Me sa duket, jo.
Meqë ra fjala, shikoni se si një deputete e nderuar, një akademike e respektuar dhe një mbrojtëse gjerësisht e njohur e të drejtave të grave, fyhet dhe keqtrajtohet nga modelet tuaja të “kundërshtimit”, teksa thjesht përpiqet të arrijë në vendin e saj të punës.
Dhe kjo nuk ishte as më e keqja nga ato që kolegëve tuaj shqiptarë iu desh të përballonin dje.
Keni ndonjë gjë për të thënë për këtë formë të veçantë të “kundërshtimit”, nga piedestali juaj i lartë demokratik? Apo shqetësimi juaj për demokracinë përfundon aty ku fillojnë faktet e pakëndshme?
Dhe ju lutem, lëreni Shqipërinë të qetë dhe mos e përfshini në këtë histori. Shqipëria është një vend realisht i lirë dhe shumë më demokratik sesa politika juaj mendjengushtë. Ajo nuk meriton të bëhet çamçakëz në gojët mediokre të njerëzve që i shkëmbejnë faktet me angazhim të lirë politik.
