Aktivistja Arvina Lleshi i ka ftuar qytetarët të marrin pjesë masivisht në të 100-ën protestë kundër qeverisë, e caktuar për në datën 8 shtator, në orën 17:00, përpara ndërtesës së Kuvendit.
Gjatë një komunikimi me pjesëmarrësit në manifestimet e zhvilluara së fundmi, Lleshi u shprehu thirrjen qytetarëve për t’u bashkuar në shesh për të kërkuar largimin e gjithë klasës politike nga pushteti.
Të lidhura
None found
Ajo nënvizoi se qëllimi i këtij tubimi para Parlamentit është përçimi i një mesazhi të qartë drejtuar politikanëve, se ata nuk e gëzojnë më përfaqësimin e popullit. “Nesër mbushim 100 ditë protesta, ndaj duhet të bëhemi tok në shesh. T’i kërkojmë llogari kësaj klase politike me anë të dorëheqjes. Ju presim të gjithëve më 8 shtator, ora 17:00, te Kuvendi, për t’ju bërë të ditur se nuk na përfaqësoni më. Ky është një parlament krimi”, deklaroi ajo.
