Dy automjete u përplasën pak minuta më parë në aksin e vjetër Fier-Vlorë. Gjatë aksidentit u plagos edhe një këmbësor.
Të dhënat paraprake tregojnë se, pas përplasjes, njëri prej drejtuesve humbi kontrollin e mjetit dhe goditi këmbësorin që ndodhej pranë rrugës.
Të lidhura
None found
I plagosuri u dërgua me urgjencë në Spitalin Rajonal të Fierit, ku po merr ndihmën e nevojshme mjekësore. Deri tani nuk janë dhënë hollësi për gjendjen e tij shëndetësore.
Shërbimet e Policisë Rrugore mbërritën menjëherë në vendngjarje dhe nisën veprimet procedurale për sqarimin e rrethanave. Grupi hetimor po përcakton shkaqet e përplasjes dhe mënyrën si ndodhi aksidenti.
