Mënyra e funksionimit të serviseve të veturave po transformohet nga përdorimi i inteligjencës artificiale, e cila mundëson zbulimin e defekteve me një nivel të lartë saktësie.
Të lidhura
None found
Për të vlerësuar gjendjen e automjeteve, sistemet e reja ndërthurin inteligjencën artificiale me kamera dhe sensorë. Kjo u lejon të dallojnë edhe probleme që një kontroll i zakonshëm mund të mos i nxjerrë në pah.
Nga dëmtimet në pjesë të ndryshme të veturës dhe rrjedhjet e lëngjeve, deri te problemet e gomave apo defektet e komponentëve mekanikë, këto pajisje mund të identifikojnë një sërë parregullsish. Automatizimi i kontrollit shkurton gjithashtu kohën që kërkon inspektimi.
Pengesa mbetet kostoja e lartë e investimit: një skaner i avancuar që përdoret në Gjermani ka një çmim prej rreth 150 mijë eurosh. Për serviset, sidomos bizneset e vogla, blerja e një pajisjeje të tillë përfaqëson një shpenzim të konsiderueshëm.
Edhe pse e kushtueshme, kjo teknologji mund ta bëjë diagnostikimin më të mirë dhe punën më efikase, si dhe të ndihmojë në zbulimin e defekteve në faza më të hershme. Në këtë mënyrë, ajo po e ndryshon gradualisht qasjen ndaj mirëmbajtjes dhe riparimit të veturave.
