Edon Zhegrova mund të marrë më në fund një shans të rëndësishëm për të siguruar një vend në formacionin titullar të Juventusit, të drejtuar nga Luciano Spalletti.
Prania e tij në 11-shen bazë pritej në përballjen me Lazion, por trajneri italian preferoi sërish Nico Gonzalezin që nga minuta e parë.
Të lidhura
None found
Zhegrova dhe Conceicao u aktivizuan vetëm në minutën e 70-të të ndeshjes, e cila përfundoi me humbjen e Juventusit. Të dy lojtarët nuk patën mundësi të linin gjurmë në një sfidë të dominuar nga skuadra mysafire.
Sipas gazetarit Giovanni Albanese, Conceicao pësoi një dëmtim në krahun e majtë gjatë kësaj ndeshjeje dhe mund të qëndrojë jashtë fushës për rreth një muaj.
“Goditje në krahun e majtë për Conceicaon. Testet do të bëhen në orët e ardhshme. Rrezikon një muaj jashtë”, raportoi ndër të tjera Albanese.
Ndërkohë, Zhegrova vazhdon të mos jetë pjesë e listës së Juventusit për ndeshjet evropiane, ndaj mundësinë për të treguar vlerat e tij do ta ketë vetëm në kampionatin italian.
