Menjëherë pas prezantimit si trajneri i ri i Partizanit, Mislav Karoglan ka marrë drejtimin e skuadrës në seancën e parë stërvitore. Klubi i kuq publikoi pamje nga “Shtëpia e Futbollit”, ku tekniku kroat shfaqet duke punuar së bashku me asistentin e tij, me vëmendjen të përqendruar te përballja me Vorën, e cila do të jetë edhe ndeshja e tij e parë zyrtare në stolin e Partizanit.
Emërimi i Karoglanit erdhi pak ditë pasi drejtuesit e Partizanit i dhanë fund bashkëpunimit me Florin Bratun. Trajneri i ri ka përpara detyrën për ta nxjerrë ekipin nga pozitat e vështira ku ndodhet dhe më pas ta udhëheqë drejt objektivave më të larta.
Të lidhura
None found
Takimi kundër Vorës do të zhvillohet të dielën, në orën 13:30. Pas disfatës në derbi ndaj Tiranës, Partizani synon të reagojë pa vonesë, në mënyrë që të mos lejojë shkëputjen e mëtejshme të skuadrave që renditen në mesin e tabelës. Për një përpjekje drejt vendeve që sigurojnë pjesëmarrjen në Europë, të kuqtë do të kenë nevojë për shumë punë.
