Sahakyan ka humbur jetën në mënyrë tragjike pasi pësoi një humbje me nokaut në një ndeshje boksi më 26 dhjetor, duke rënë më pas në koma 10-ditore.
Sahakyan, vetëm 26 vjeç, pësoi një ënjtje në tru në ndeshje dhe iu desh t’i nënshtrohej një operacioni. Pas 10 ditësh në koma, ai ndërroi jetë të premten, më 7 janar.
Boksieri i peshave super të mesme pati nëntë ndeshje profesionale, duke fituar gjashtë. Ai fitoi secilën nga katër ndeshjet e tij të para.
Funerali i tij do të mbahet në Tolyatti, Samarra në Rusi më 11 janar, megjithëse e afërmja Svetlana Petrosyan konfirmoi se ai do të varrosej në Jerevan, Armeni.
“Zemra ime është copëtuar”, ka shkruar Petrosyan në Instagram. “Nuk e besoj… është si një ëndërr e keqe”./ h.ll/albeu.com
