Vora barazoi 2-2 me Dinamon në ndeshjen e javës së 10-të, ndërsa goli i Dario Dakës i siguroi një pikë. Sulmuesi anësor, i shpallur “Lojtari i Ndeshjes”, foli për mediat pas takimit.
I pyetur për dy golat dhe pikën e marrë, Daka tha se ndihej mirë, por se skuadra duhet të bëjë më shumë. Ai e cilësoi përballjen shumë të vështirë, vlerësoi lojën e Dinamos dhe falënderoi ekipin për gjithçka.
Të lidhura
None found
Për mënyrën si i realizoi golat, ai shpjegoi se luan në krahun e djathtë, por duhet të përmirësohet në atë pozicion dhe të paraqitet sa më mirë. Daka nuk deshi t’i përdorte si justifikim minutat e pakta në fushë, duke theksuar se duhet të japë edhe më shumë.
Duke folur për pikët e marra këtë sezon, sulmuesi u shpreh se Vora mund të kishte fituar po të kishte dhënë më shumë. Sipas tij, skuadra duhet të ishte më lart në renditje, pasi ka lënë shumë pikë, por ka mundësi të përmirësohet.
Si synim personal, Daka përmendi dëshirën për të bërë sa më mirë me skuadrën. Kur u pyet për mbrojtësin më të vështirë, ai veçoi dy ose tre mbrojtës të ekipit të tij, të cilët i cilësoi shumë të fortë.
