Njësia për Krime të Dhunshme pranë Departamentit për Krime të Dhunshme në SPB Shkup, në bashkëpunim me Prokurorinë Publike të Shkupit, ka paraqitur kallëzim penal me procedurë urgjente ndaj V.A. (26), D.A. (27) dhe S.S., të gjithë nga Shkupi. Ata dyshohen për kryerjen e veprave penale “zhvatje” dhe “dhunë”, të parashikuara në nenet 258 dhe 386 të Kodit Penal.
Të lidhura
None found
Sipas autoriteteve, më 17.08.2026, rreth orës 15:20, në territorin e komunës së Aerodromit, tre personat, për shkak të një marrëdhënieje të mëparshme të pazgjidhur mes debitorit dhe kreditorit, kanë sulmuar fizikisht një 28-vjeçar nga Shkupi. Gjithashtu, ata dyshohet se e kanë kërcënuar atë dhe familjen e tij.
Pas ndërhyrjes së policisë, V.A. dhe D.A. u vunë në pranga, ndërsa për S.S. u lëshua urdhër qendror kërkimi.
Gjatë veprimeve hetimore u sekuestruan edhe materiale që shërbejnë si prova. V.A. dhe D.A. u dërguan para gjykatësit të procedurës paraprake. Gjykata vendosi që V.A. të qëndrojë në arrest shtëpiak për 30 ditë, për D.A. caktoi masa paraprake, ndërsa për S.S. urdhëroi paraburgim në mungesë, njoftoi MPB-ja.
