Zjarr në Pus Mezini, flakët kërcënojnë banesat në hyrje të Vlorës

Një vatër zjarri ka përfshirë këtë të mërkurë një zonë me shkurre dhe bimësi në Pus Mezini, në hyrje të qytetit të Vlorës.

Flakët janë përhapur pranë disa banesave, duke rritur rrezikun që zjarri të mbërrijë deri te ato.

Shërbimet zjarrfikëse kanë shkuar në vendngjarje dhe po ndërhyjnë për të kufizuar përhapjen e zjarrit dhe për ta vënë situatën nën kontroll. Bimësia e thatë dhe terreni ku ndodhet vatra favorizojnë përhapjen e shpejtë të flakëve, ndërsa operacioni vijon për mbrojtjen e banesave pranë zonës.