Brenda 24 orëve të fundit, në disa zona të vendit janë evidentuar 33 zjarre në hapësira të hapura, njofton QMK. Situata paraqitet më e rënduar në territoret ku flakët kanë përfshirë sipërfaqe pyjore.
Të lidhura
None found
Aktualisht, zjarre aktive raportohen pranë Moranës, Vrtekicës dhe Ramni Gaber, me përhapje drejt Paligradit dhe mbi Vrazhale, ku po digjet një pyll i përzier. Flakët vijojnë gjithashtu në zonën e Vidushit, pranë Dragov Dol dhe Lokvicës në Makedonski Brod, duke përfshirë bimësi të ulët, pyje me kërcell të ulët dhe shkurre.
Një tjetër vatër mbetet aktive në Kërçovë, në zonën e fshatit Tajmishte, në territorin e Dardës, ku zjarri ka përfshirë një pyll ahu me kërcell të lartë. Vatra e katërt ndodhet në Gorna Gjonovica, në komunën e Gostivarit, ku po digjet bimësi e ulët.
