Kryeministri Hristijan Mickoski njoftoi se skuadrat e kompanisë së ujësjellësit nga Shkupi janë aktualisht të angazhuara në Gostivar. Sipas tij, pasi të përmbyllet faza e hiperklorimit të rrjetit të ujësjellësit, pritet që brenda së sotmes ose nesër uji në këtë qytet të cilësohet si “teknikisht i përdorshëm”.
Të lidhura
None found
Duke shprehur optimizëm, Mickoski theksoi se analizat aktuale janë inkurajuese. “Unë pres që sot, edhe pse treguesit janë tashmë pozitivë, por të jemi të matur – le të themi që nesër të dalë njoftimi se uji është teknikisht i përshtatshëm. Problemi u zgjidh në një afat rekord prej një jave. Ne si ekzekutiv po bëjmë gjithçka që kemi në dorë”, deklaroi ai.
Në vijim të fjalës së tij, kryeministri u shpreh i habitur që opozita ende nuk ka formuluar asnjë kritikë ndaj bashkisë dhe ekipit drejtues që mbështetën në zgjedhjet vendore.
