Kerry Adams, 49 vjeçe, nga Staffordshire, tregoi si iu përgjigj ndarjes nga ish-partneri me atë që e quajti “hakmarrje të vogël”.
Të lidhura
None found
Gjatë muajit të fundit që jetuan nën të njëjtën çati, ajo e la ngrohjen ndezur pa ndërprerje, në 28°C, duke e ditur se nuk do t’i paguante faturën.
Një tjetër veprim ndodhi në kuzhinë. Ish-partneri i kishte thënë se mund të merrte gjithçka për të cilën kishte paguar, ndaj Kerry çmontoi dorezat e dollapëve dhe i mori me vete. Kur ai i kërkoi t’ia blinte sërish, ajo nuk pranoi, shkruan Mirror, transmeton Klankosova.tv.
Kerry tha edhe se i kishte hedhur në kosh të brendshmet e markave Calvin Klein dhe Armani, pasi ish-partneri i kërkoi t’ia lante.
Rrëfimi u përhap me shpejtësi në Instagram, ku shumë njerëz treguan përvojat e tyre me “hakmarrjen” pas ndarjeve.
Sot, Kerry e kujton ngjarjen me humor dhe thotë se, megjithë dhimbjen që solli ndarja, jeta e saj është përmirësuar. “Tani do ta falënderoja, sepse sinqerisht besoj se jeta ime është më e mirë pa të”, tha ajo./Klankosova.tv
