Një vatër zjarri problematike është shfaqur në Gjirokastër gjatë orëve të mesditës së kësaj të mërkure, në zonën e Gërhotit. Fillimisht, flakët përfshinë një hapësirë me shkurre pranë hyrjes së qytetit.
Të favorizuara nga terreni i tharë, flakët u zgjeruan në një sipërfaqe të konsiderueshme afër zonës së banuar. Për vënien nën kontroll dhe shuarjen e zjarrit u desh ndërhyrja e Shërbimit Zjarrfikës.
Të lidhura
None found
Sipas dyshimeve, shkaku i zjarrit mund të kenë qenë bishtat e cigareve të hedhura pa kujdes në këtë zonë. Gjatë këtyre ditëve me temperatura të larta, në Gjirokastër janë regjistruar disa zjarre masive në pyje-kullota, ndërsa bëhet apel për shmangien e zjarrvënieve të qëllimshme.
