Kryeministri Edi Rama ishte i pranishëm në mbledhjen javore të Grupit të PS, e cila u përmbyll vetëm pak minuta më parë.
Sipas burimeve nga kjo mbledhje për Top Channel, Rama u ka kërkuar deputetëve që të tregohen më aktivë si në rrjetet sociale, ashtu edhe në Kuvend.
Të lidhura
None found
Kjo kërkesë e kreut të qeverisë vjen në një moment kur jo i gjithë grupi parlamentar i PS ka pasur të njëjtin angazhim në rrjetet sociale përballë retorikës së artikuluar nga protestuesit.
Gazetari i Top Channel raportoi gjithashtu se në këtë mbledhje mungoi Elisa Spiropali, e cila në javët e fundit e kishte komentuar protestën duke kërkuar që zëri i protestuesve të dëgjohet dhe të ketë reflektim.
