Avokati i Sindikatës së Kontrollorëve Ajrorë, Rezeart Tupi, përmes një prononcim për media foli në lidhje me pezullimin e punës nga ana e klientëve të tij.
Tupi theksoi se punonjësit e Albcontrol janë të gatshëm të bashkëpunojnë dhe të arrijnë një marrëveshje me qeverinë në orët në vazhdim.
Teksa u pyet në lidhje me pagat e kontrollorëve dhe akuzave të ministres Balluku se kanë pezulluar punën për shkak se u është ulur paga në 2400 dollarë në muaj, avokati bëri me dije se paga e një kontrollori drejtues është rreth 190 mijë lekë të reja ndërsa paga e një kontrollori monitorues është diku më pak.
“Atëherë pa hyrë në diskutime për pagën, mund t’iu them që drejtori i cili është në një post administrativ drejtues e ka pagën më të lartë.
Paga aktuale e kontrollorëve është në 190 mijë lekë të reja në nivel drejtuesi. Kontrollorët monitorues e kanë më të ulët.
Jemi të gatshëm në çdo kohë për të bashkëpunuar dhe dialoguer me shtetin shqiptar”, -tha Meta.
