Iu rrëzua Valladolid nga La Liga, shpërthen Fenomeni (VIDEO)

Ronaldo Fenomeni  ka reaguar pas rënies nga kategoria të Valladolidit të tij.

“Jam i trishtuar. I zhgënjyer. Duhet të vazhdojmë të punojmë. Shpresoj që tifozët tanë të vazhdojnë të na qëndrojnë afër dhe të na ndihmojmë të kthehemi në La Liga”, ka thënë ish-sulmuesi.

 

Tifozët janë ankuar për mungesën e Ronaldo-s dhe braziliani është kundërpërgjigjur menjëherë:

“Kam qenë i pranishëm edhe pse nuk kam ndjekur shumë ndeshje. Kam punuar vazhdimisht për klubin. Nuk ka kuptim që tifozët të zemërohen për jetën time personale, duhet të zemërohen më shumë me skuadrën”, ka thënë Fenomeni.

“Kam ardhur për të shkruar historinë dhe për t’i lënë një trashëgimi qytetit. Dhe do të qëndroj këtu derisa nuk do ta kem bërë. Nuk kam marrë oferta për klubin dhe as që do t’i marr parasysh”.

“Dua që mesazhi të jetë i qartë. Unë do të largohem vetëm kur do të kem mbaruar punën time. ose më saktë një skuadër që të jetë një realitet i konsoliduar i La Liga-s dhe me një stadiumin në pronësi”.

Shtuar 24.05.2021 22:41