Prej ditësh Spanja është goditur nga reshje të dendura shiu dhe përmbytje, ku për pasojë kanë humbur jetën 158 persona.
Nga pamjet satelitore të një shtrirjeje 7 km të zonave në jug të Valencias shihen ndryshime. Zona ka pamje nga një lagunë e rrethuar nga fusha orizi në Parkun Natyror Albufera dhe është e prirur ndaj përmbytjeve.
Por vëllimi i jashtëzakonshëm i ujërave të shiut që ra në një hapësirë kaq të shkurtër kohore shpërtheu brigjet e lumit Turia dhe përmbyti shtëpitë e mijëra njerëzve. Aq shumë sedimente u dërguan në det nga lumi, saqë mund të shihet nga kilometra hapësinore larg bregut të Mesdheut të Spanjës.
Gjermania, Italia dhe Portugalia janë disa nga shtetet që i kanë shkuar në ndihmë Spanjës në këto ditë të vështira.
