Një shpërthim ka ndodhur në orët e para të mëngjesit në një pallat në rrugën “Njazi Meka” në Tiranë.
Shpërthimi ka ndodhur në zonën e Alliasit në Tiranë. Një lëndë plasëse e dyshuar për fishekzjarre, ka shpërthyer në shkallët e katit të dytë të një pallati.
Lënda plasëse ka shpërthyer në orët e para të mëngjesit, dhe ka shkaktuar panik te banorët.
NJOFTIMI I POLICISË:
Tiranë/Informacion paraprak
Më datë 05.09.2021, rreth orës 06:56, në sallën operative të DVP Tiranë ka telefonuar shtetasi K. B., i cili deklaron se rreth orës 03:00, ka dëgjuar një zhurmë në sheshpushim e pallatit në rrugën “Njazi Meka”
Nga veprimet paraprake të kryera nga grupi hetimor dyshohet se zhurma ka ardhur si pasojë e plasjes së një kapsolle me lëndë piroteknike e konfirmuar dhe nga eksperti anti-eksploziv), pa shkaktuar asnjë dëm material.
Vijojnë veprimet e metejshme për sqarimin e plotë të ngjarjes. /albeu.com/
