E FUNDIT/ Bilanci i viktimave dhe infektimeve gjatë 24 orëve të fundit

Në 24 orët e fundit është shënuar një viktimë nga Covid në Shqipëri.

Lajmin e ka bërë të ditur Ministria e Shëndetësisë, e cila thekson se si pasojë e Covid ka ndërruar jetë një 76-vjeçar nga Vlora.

Ndërkohë që numri i të infektuarve në 24 orët e fundit ka qene 56 persona.

Njoftimi i MSh:

Ministria e Shëndetësisë i bën apel qytetarëve të vaksinohen sa më parë, për të mbrojtur veten dhe shëndetin e të tjerëve. Vaksinat antiCOVID reduktojnë mundësinë e infektimit dhe shmangin në shkallë të lartë hospitalizimet dhe fatalitetet.

Çdo qytetar mbi 12 vjeç, mund të vaksinohet në qendrën shëndetësore ose në pikën më të afërt të vaksinimit të përqëndruar.

MSHMS apelon të gjithë qytetarët e vaksinuar me dy doza, të drejtohen në qendrat shëndetësore ose pikat e vaksinimit të përqëndruar, për t’u vaksinuar me dozën e tretë përforcuese.

Nëse dyshoni se jeni të prekur nga COVID19 apo keni shenja të sëmundjes, izolohuni menjëherë dhe kontaktoni me mjekun tuaj të familjes për t’u testuar sa më parë ose telefononi Urgjencën Kombëtare në numrin unik 127.

Ju informojmë për situatën në 24 orët e fundit, si vijon: Janë kryer  907 testime, nga të cilat kanë rezultuar pozitivë me COVID19, 56 qytetarë, në këto bashki:

27 në Tiranë, 4 në Elbasan, 3 në Sarandë, Gjirokastër, 2 në Vlorë, Delvinë, Tepelenë, Berat, 1 në Vau e Dejës, Kukës, Durrës, Fier, Patos, Selelnicë, Memaliaj, Korçë, Devoll, Kuçovë, Gramsh.

Janë 371 pacientë aktivë me COVID-19 në të gjithë vendin.

Aktualisht në spitalin COVID3 po marrin trajtim 6 pacientë, nga të cilët 1 është në gjendje më të rënduar. Në 24 orët e fundit  ka një humbje jete me Sars-Cov2; ka ndërruar jetë një qytetar 76 vjeç nga Vlora.

Janë shëruar 36 qytetarë gjatë 24 orëve të fundit, duke e çuar numrin e të shëruarve në 270,510 që nga fillimi i epidemisë.

Statistika (14 Prill 2022)

Raste të reja ditore          56

Të shëruar në 24 orë       36

Të shtruar në spitale         7

Humbje jete në 24 orë      1

Testime ditore                 907

Testime totale               1,790,270

Raste pozitive                   274,376

Raste të shëruara               270,510

Raste Aktive                          371

Humbje jete                          3,495

Shpërndarja gjeografike e rasteve aktive sipas qarqeve:

Tiranë           206

Vlorë               41

Fier                  25

Korçë              22

Gjirokastër       21

Elbasan           18

Berat               15

Shkodër           10

Durrës              9

Kukës                4/albeu.com/