Andy Burnham, i sapozgjedhur në krye të qeverisë së Mbretërisë së Bashkuar, ka pohuar se nuk do të ngurrojë të mbajë qëndrim të kundërt ndaj presidentit amerikan, Donald Trump, sa herë që këtë e kërkojnë interesat strategjike të Britanisë.
Të lidhura
None found
Gjatë bisedës së tij të parë të gjerë si kryeministër për BBC-në, Burnham e cilësoi si “shumë të ngrohtë” takimin fillestar me Trumpin. Megjithatë, kur u pyet drejtpërdrejt nëse ka besim te presidenti, ai nuk dha një përgjigje konkrete. “Nuk mund të them se nuk do të kem dallime mendimesh me të. Nëse është e drejtë për Britaninë, do t’i shpreh ato,” u shpreh ai.
Ai qartësoi se “interesi kombëtar duhet të triumfojë mbi çdo gjë tjetër” dhe se kritikat ndaj Trumpit do t’i bëjë të ditura sa herë ta shohë të nevojshme. Në intervistë, Burnham shfaqi edhe rezerva mbi mënyrën se si presidenti amerikan e trajtoi acarimin e raporteve me Iranin, duke nënvizuar se do ta shprehë hapur qëndrimin e tij në raste të tilla.
Lidhur me angazhimet në fushën e sigurisë, Burnham nuk caktoi një datë të saktë për ta quar buxhetin ushtarak në 3% të Prodhimit të Brendshëm Bruto, por siguroi se ekipi i tij qeverisës do të angazhohet për përmbushjen e këtij objektivi.
Në fund, kryeministri i ri hodhi poshtë skenarin e një votimi të parakohshëm, duke theksuar se administrata e tij ka në prioritet qeverisjen dhe ringritjen e vendit “aty ku duhet të jetë”.
