Agjentët e Policisë Kombëtare Spanjolle, në një operacion të përbashkët me Gardën Civile, kanë çmontuar një plantacion marijuanë brenda një magazine industriale me gati 1000 bimë në qytetin e La Llosa de Ranes, Valencia.
Në pranga kanë rënë dy shtetas shqiptarë të moshës 18 dhe 50 vjeç, raportojnë mediat spanjolle.
Dy shqiptarët ishin në krye të këtij plantacioni, si përgjegjës për krime kundër shëndetit publik, mashtrime me energjinë elektrike dhe shkelje të ligjit të emigracionit.
Në total, agjentët kanë kapur 953 bimë kanabisi, e cila ishte në fazën përfundimtare të rritjes. Gjithashtu, u sekuestruan 750 gram sytha dhe materiale të shumta të destinuara për kultivim, siç thuhet në një deklaratë të përbashkët.
Hetimet filluan në mesin e janarit, pasi mësuan se një magazinë industriale e vendosur në komunën e La Llosa de Ranes mund të përdorej për të strehuar kanabis në shtëpi.
Si rezultat i hetimeve të para është vënë re një lëvizje e madhe e njerëzve brenda magazinës si dhe është konstatuar hyrje-dalja e mjeteve të ndryshme me qira.
Në vijim të hetimeve, hetuesit verifikuan se kishte lidhje të paligjshme me rrjetin elektrik.
Në fund të muajit prill u krye një ndërhyrje dhe kontroll gjatë të cilit brenda magazinës ndodheshin 953 bimë të lulëzuara dhe me përmasa të përafërta 180 centimetra.
Gjithashtu, agjentët sekuestruan edhe 110 llamba, 23 panele ndriçimi LED, 55 ventilatorë, dy peshore, mes materialeve të tjera që bënin pjesë në një infrastrukturë të sofistikuar për kultivimin e kësaj lënde.
Operacioni rezultoi në arrestimin e dy personave, me kombësi shqiptare, të cilët ishin në krye të këtij plantacioni, si përgjegjës për krime kundër shëndetit publik, mashtrime me energjinë elektrike dhe shkelje të ligjit të emigracionit.
Të arrestuarit, pa dosje policore, janë sjellë para gjykatës, e cila ka urdhëruar futjen e tyre në burgun e përkohshëm.
Hetimet janë kryer bashkërisht nga agjentë të Gardës Civile Bregdetare, Policisë Gjyqësore të Komisariatit të Policisë Xàtiva, në bashkëpunim me GRECO – Levante të Brigadës Qendrore të Krimit të Organizuar.
