Benjamin Netanyahu ka deklaruar se Izraeli do të reagojë me një forcë shumë më të madhe në rast se Irani ndërmerr një tjetër sulm kundër tij.
Të lidhura
None found
Në një video të shpërndarë në rrjetet sociale, kryeministri izraelit i përcolli një paralajmërim të drejtpërdrejtë drejtuesve iranianë.
“Do t’u them udhëheqësve të Iranit: Mos mendoni se do të heshtim nëse na sulmoni.”
Sipas tij, përgjigjja e Izraelit nuk do të ngjajë me reagimet ndaj sulmeve të mëparshme, të cilat ai i përshkroi si “tashmë mjaft të fuqishëm”.
“Kanë përfunduar ditët kur dikush na godiste dhe ne nuk përgjigjeshim dyfish”, tha Netanyahu.
Ai shtoi se Izraeli do të vijojë të veprojë me vendosmëri kundër kujtdo që, sipas tij, rrezikon sigurinë e shtetit.
“Ne e kemi goditur Boshtin e së Keqes në Iran dhe do të vazhdojmë ta bëjmë këtë ndaj kujtdo që na dëmton. Kjo është ajo që bëjmë”, u shpreh ai.
