Vullkani Etna në Siçili është rikthyer në aktivitet gjatë ditës së sotme, duke sjellë sërish vështirësi për aeroportin e Katanias për shkak të hirit vullkanik të përhapur në atmosferë dhe pasojave që ai ka krijuar në hapësirën ajrore.
Të lidhura
None found
Sipas autoriteteve italiane, fenomeni ka nisur në orët e para të mëngjesit dhe më pas është forcuar gjatë ditës, ndërsa është formuar një re hiri që ka arritur deri në rreth 1.5 kilometra mbi krater.
Në këto kushte, është marrë vendimi për mbylljen e përkohshme të një pjese të hapësirës ajrore në jug të vullkanit, konkretisht në sektorin B2.
Autoritetet u kanë kërkuar udhëtarëve që, përpara se të shkojnë në aeroport, të kontrollojnë me kompanitë ajrore gjendjen e fluturimeve, ndërsa priten informacione të tjera në varësi të ecurisë së situatës.
Etna, që ngrihet në një lartësi prej rreth 3,300 metrash, konsiderohet një ndër vullkanet më aktivë në botë dhe shpërthimet e tij të shpeshta ndikojnë jo rrallë në trafikun ajror të rajonit.
