Sot, 8 janar ora 12:00, ish-kryeministri Sali Berisha ka thirrur protestë para selisë së Partisë Demokratike me qëllim nxjerrjen e kryetarit Lulzim Basha nga aty, me pretendimin e ai është shkarkuar me 44 mijë vota të anëtarëve të PD-së, në referendumin e 18 dhjetorit.
Basha ka mbërritur mëngjesin e sotëm në ambientet e selisë, dhe i buzëqeshur ka hyrë brenda.
Kujtojmë se sot, ndërsa Berisha do të zhvillojë protestë, Basha do të zhvillojë mbledhje me Kryesinë dhe Gurpin Parlamentar.
“Të nderuar Kryetarë, Të shtunën, datë 8 Janar, ora 11:00 do të zhvillohet mbledhja e Kolegjit të Kryetarëve të PD për diskutimin mbi kalendarin dhe masat për organizimin e partisë në zbatim të vendimit të Kuvendit Kombetar të datës 18 Dhjetor,
“Për miratimin e programit organizativ të Partisë Demokratike”. Në mbledhje merr pjese edhe Sekretariati i Partisë. Programi i diskutuar dhe miratuar nga Kolegji i Kryetarëve, do ti nënshtrohet më pas miratimit nga Kryesia e Partisë, e cila do të mblidhet po atë ditë”, thuhet në mesazhin që Gazment Bardhi u ka çuar kryetarëve të degëve./albeu.com
