Kreu i Prokurorisë së Posaçme Altin Dumani, në tryezën e drejtësisë të organizuar nga Qendra për studimin e demokracisë, ka deklaruar se SPK ka treguar se është në gjendje që të kryejë hetime të guximshme ndaj zyrtarëve të lartë.
“SPAK ka treguar se është në gjendje të kryejë hetime të guximshme edhe ndaj zyrtarëve të lartë. Epoka e paprekshmërisë po lëkundet.
Kemi goditur edhe organizata kriminale të cilët janë të përfshirë në vepra penale shumë të rënda.
Bashkëpunimi me Interpol, Europol dhe Eurojust është shtuar.
Lufta ndaj pastrimit të parave kërkon të japë mesazhe të qarta se krimi nuk mund të blejë apo shpërblejë”, shprehet Dumani.
