Komandanti i KFOR-it, Ozkan Ulutas, ka zhvilluar një takim me ambasadorë, shefa misionesh dhe përfaqësues të lartë kombëtarë nga 31 shtetet që kontribuojnë në këtë mision.
Sipas njoftimit, gjatë këtij takimi ai paraqiti gjendjen aktuale të sigurisë në Kosovë, angazhimet që KFOR-i po vijon të zbatojë dhe prioritetet kryesore të misionit për periudhën e ardhshme.
Të lidhura
None found
Në të njëjtin njoftim thuhet se komandanti i KFOR-it ritheksoi përkushtimin e misionit për të siguruar një ambient të qetë dhe të sigurt për të gjithë banorët e Kosovës. Po ashtu, ai vuri në dukje rëndësinë e koordinimit dhe të bashkëpunimit të pandërprerë me partnerët ndërkombëtarë, ndërsa shprehu edhe mirënjohjen e tij të sinqertë ndaj të gjitha vendeve që kontribuojnë me trupa për mbështetjen e vazhdueshme.
Njoftimi bën të ditur se gjeneralmajori Ozkan Ulutaş, komandant i misionit të udhëhequr nga NATO-ja në Kosovë (KFOR), i priti këta përfaqësues në selinë e KFOR-it, në Kampin Film City në Prishtinë.
Gjatë këtij takimi, gjeneralmajori Ulutaş prezantoi situatën e tanishme të sigurisë në Kosovë, veprimtaritë që KFOR-i po zhvillon aktualisht dhe objektivat kryesore të misionit për kohën në vijim.
Në deklaratë theksohet gjithashtu se KFOR-i vazhdon të zbatojë mandatin e tij, të mbështetur në Rezolutën 1244 të Këshillit të Sigurimit të Kombeve të Bashkuara të vitit 1999, për të ndihmuar në krijimin e një mjedisi të sigurt dhe të qetë, si edhe për të garantuar lirinë e lëvizjes për të gjithë njerëzit që jetojnë në Kosovë, në çdo kohë dhe në mënyrë të paanshme.
Më tej, bëhet e ditur se KFOR-i bashkëpunon ngushtë me Policinë e Kosovës dhe me Misionin e Bashkimit Evropian për Sundimin e Ligjit në Kosovë (EULEX), në përputhje me rolet përkatëse të tyre si reagues të sigurisë.
