Qendra për Studime Universitare (QSU) ka finalizuar me sukses vlerësimin praktik për vitin akademik 2025/2026, që u zhvillua nën emrin “Qielli i Shqiponjave 2026”.
Në rajonin e Gjakovës, gjatë nëntë ditëve me angazhim intensiv, kadetët realizuan operacione luftarake në nivel togu dhe kompanie, duke i zbatuar në terren njohuritë teorike dhe praktike të përfituara përgjatë vitit akademik.
Të lidhura
None found
Ky vlerësim praktik përfshiu planifikimin dhe zbatimin e operacioneve luftarake, aplikimin e drilleve të betejës, bashkërendimin mes njësive, si dhe marrjen e vendimeve në kushte dinamike. Përmes këtyre aktiviteteve u synua fuqizimi i aftësive udhëheqëse, disiplinës dhe frymës së ekipit te kadetët.
Sipas organizatorëve, ushtrimi përbëri një test të plotë të përgatitjes profesionale të kadetëve, duke konfirmuar gatishmërinë e tyre për t’u përballur me sfidat operacionale dhe për të zbatuar standardet më të larta të trajnimit ushtarak.
