Për të 11-ën natë radhazi, qytetarët u mblodhën në Sheshin “Skënderbeu” në Prishtinë, duke protestuar kundër vendimit dënues të Gjykatës Speciale në Hagë ndaj drejtuesve të UÇK-së.
Të lidhura
None found
Organizatori i protestës “Jo në emrin tim”, Çlirim Haziri, u bëri thirrje qytetarëve që të bashkoheshin sërish në tubim në orën 21:00.
“DITA 11. Edhe sonte, në ora 21:00, Sheshi ‘Skënderbeu’. Nuk ndalemi. Nuk heshtim. Nuk harrojmë. Bashkë për UÇK-në! Shihemi sonte!”, shkroi Haziri.
Tubimet me moton “Jo në emrin tim” zhvillohen çdo mbrëmje në Prishtinë që prej 16 shtatorit, pas aktgjykimit të dhënë në Hagë.
Protesta u mbajtën më herët gjatë ditës edhe në Gjermani dhe Finlandë.
