Sektori i ndërtimtarisë në Maqedoninë e Veriut shënoi rritje prej 21.9 për qind në tremujorin e dytë të vitit 2026, në raport me të njëjtën periudhë të një viti më parë. Të dhënat u publikuan në Facebook nga zëvendëskryeministri dhe ministri i Transportit, Aleksandar Nikolloski.
Të lidhura
None found
Sipas tij, gjatë kësaj periudhe janë realizuar punime ndërtimore me vlerë të përgjithshme prej 14,9 miliardë denarësh, ose rreth 242 milionë euro. Nikolloski vlerësoi se zgjerimi i aktivitetit ndërtimor përbën një shtyllë të rëndësishme për ekonominë vendase.
“Këto të dhëna dëshmojnë se masat e Qeverisë po japin efekt. Investimet në autostrada, rrugë ekspres, hekurudhë, aeroporte dhe në më shumë se 1.200 projekte nëpër komuna do të vijojnë me një dinamikë edhe më të lartë.
Po e shndërrojmë vendin në një nyje të mirëfilltë strategjike të Ballkanit. Po e ndërtojmë Maqedoninë”, deklaroi Nikolloski.
