Forcat amerikane kanë ndërmarrë të martën pasdite një seri të re sulmesh ajrore ndaj objektivave iraniane në zonat përreth Ngushticës së Hormuzit.
Të lidhura
None found
Komanda Qendrore e SHBA-së (CENTCOM) bëri të ditur përmes një postimi se operacioni kishte në shënjestër objektiva të Korpusit të Gardës Revolucionare Islamike të Iranit (IRGC).
Sipas CENTCOM, sulmet u kryen pas veprimeve të fundit të Gardës Revolucionare kundër anijeve tregtare që lundrojnë në Ngushticën e Hormuzit, si dhe ndaj personelit ushtarak amerikan të vendosur në rajon.
Raportimet e para nga mediat e huaja flasin për shpërthime në Bandar Abbas, Shirik dhe Jask, tre porte të rëndësishme pranë ngushticës.
Ngjarje të ngjashme janë raportuar edhe në ishullin Qeshm, brenda ngushticës, si dhe në Konarak dhe Chabahar, në juglindje të Iranit.
Deri tani nuk ka një konfirmim të qartë se cilat objekte janë goditur nga forcat amerikane.
