Ana Dyrmishi, 25-vjeçe nga Durrësi, ka humbur jetën pasi nuk arriti t’u mbijetonte plagëve të rënda të shkaktuara nga zjarri në hotelin “Brooklyn”, në Lungomare të Vlorës, më 16 gusht.
E reja kishte pësuar djegie në rreth 85% të trupit. Fillimisht ajo u trajtua në Shqipëri, ndërsa më pas u dërgua në Turqi për kujdes të specializuar mjekësor.
Të lidhura
None found
Megjithatë, pavarësisht përpjekjeve të bluzave të bardha, gjendja e saj mbeti kritike.
Ana jetonte së bashku me familjen në zonën e Shkozetit në Durrës. Vdekja e saj ka shtuar dhimbjen e familjarëve, të cilët u përballën fillimisht me pasojat e rënda shëndetësore dhe tashmë me humbjen e jetës së saj.
Ngjarja ndodhi në orët e para të mëngjesit të 16 gushtit, kur hoteli “Brooklyn” u përfshi nga flakët. Si pasojë, gjashtë persona mbetën të plagosur, ndërsa disa prej tyre u larguan nga godina përmes ballkoneve për t’i shpëtuar zjarrit.
