Autoritetet nepaleze kanë raportuar se numri i të vdekurve nga përmbytjet e fuqishme që përfshinë vendin të mërkurën ka arritur në 477.
Të lidhura
None found
Sipas Autoritetit për Menaxhimin e Fatkeqësive, 977 persona janë ende të zhdukur ose nuk mund të kontaktohen. Në këtë grup përfshihen edhe 517 shtetas të huaj.
Si pasojë e përmbytjeve, 73 persona kanë marrë plagë, ndërsa më shumë se 15 mijë punonjës të policisë dhe ushtrisë nepaleze janë përfshirë në operacionet e kërkimit dhe shpëtimit.
Forcat e emergjencës kanë mundur të nxjerrin të sigurt 3,253 persona, ndërkohë që vijojnë përpjekjet për lokalizimin e atyre që rezultojnë të zhdukur.
Numri i viktimave mund të pësojë ndryshime të tjera, pasi ekipet po vijojnë kontrollet në zonat më të prekura nga përmbytjet.
