Këshilli Kombëtar i Partisë Demokratike do të mblidhet sot për të zgjedhur drejtuesit e rinj të forcës politike.
Sipas njoftimit zyrtar të PD-së, rendi i ditës parashikon votimin për Sekretarin e Përgjithshëm, nënkryetarët e partisë, Sekretariatin dhe Komisionin e Apelimit.
Të lidhura
None found
Takimi është planifikuar të nisë në orën 18:00. Vendimet që do të merren pritet të përcaktojnë përbërjen e strukturës kryesore drejtuese të Partisë Demokratike për periudhën në vazhdim.
Mbledhja e sotme pason atë të zhvilluar më 1 korrik, gjatë së cilës Këshilli Kombëtar zgjodhi drejtuesin e këtij organi, si edhe 20 anëtarët e Kryesisë së partisë.
Përmes plotësimit të strukturave drejtuese, demokratët synojnë të forcojnë ekipin politik që do të mbështesë Sali Berishën në udhëheqjen e opozitës dhe në sfidat e ardhshme politike.
Në mesazhin dërguar anëtarëve të Këshillit Kombëtar, Partia Demokratike shprehu mirënjohje për mbështetësit dhe kërkoi bashkëpunimin e tyre në përpjekjet e përbashkëta për organizimin e mëtejshëm të partisë.
