Taulant Balla ka reaguar pas njoftimit të kryeministrit Edi Rama në Konferencën e IX Ndërqeveritare Shqipëri–BE në Bruksel, ku u bë e ditur se ligji për investimet strategjike do të shfuqizohet.
Ai e lidhi këtë vendim me kërkesat e protestuesve, të cilët prej kohësh kanë kërkuar anulimin e ligjit, duke e cilësuar si një lajm pozitiv për mjedisin dhe për ruajtjen e zonave të mbrojtura.
Të lidhura
None found
Në reagimin e tij, Balla përdori një gjuhë simbolike duke shruar se ky është një lajm i mirë për flamingot, por jo për sorrat. Balla e interpreton si një fitore për ata që kanë kërkuar mbrojtjen e mjedisit, ndërsa përfituesit e ligjit e shikon si humbës të kësaj beteje.
“Lajm i mirë për flamingot, jo i mirë për sorrat që kanë mbetur këtu. Gjatë Konferencës së IX Ndërqeveritare Shqipëri-BE në Bruksel, Kryeministri Edi Rama sqaroi se ligji për Investimet Strategjike do të shfuqizohet, pasi ka përmbushur misionin e tij, ndërsa ligji për Zonat e Mbrojtura do të rishikohet dhe përshtatet me standardet e Bashkimit Europian”, shkruan Balla.
Ai më pas solli edhe fjalët e kryeministrit Rama ku shpjegon se Ligji për Investimet Strategjike do të shfuqizohet dhe anulohet, mvdërsa ai për Zonat e Mbrojtura do të përshtat me standardet evropianie
“Shfuqizimi nënkupton anulim. Ligji për Investimet Strategjike do të shfuqizohet dhe anulohet, ndërsa ligji për Zonat e Mbrojtura, që është një nga ligjet më të mira që kemi, do të përshtatet derisa të arrijë 100% standardet europiane”.
