Dinamo ka vendosur të vijojë bashkëpunimin me Aldo Teqjan, duke e mbajtur portierin edhe në sezonin e ardhshëm. Klubi i kryeqytetit ka njoftuar se lojtari ka firmosur kontratën e re, e cila e lidh me skuadrën për dy vitet e ardhshme.
Ky rinovim vjen pas vlerësimit pozitiv që presidenti Adrian Bardhi dhe drejtuesit e klubit kanë pasur për paraqitjet dhe përkushtimin e treguar nga Teqja në periudhën e fundit.
Të lidhura
None found
Në sezonin e fundit, Teqja numëroi 35 paraqitje me dinamovitët, duke dhënë kontributin e tij që ekipi të siguronte pjesëmarrjen në fazën finale të “Final 4”.
Nga ana e saj, Dinamo shfaq besim se eksperienca e gardianit do të ketë rëndësi të veçantë për synimet e skuadrës, si në ndeshjet e ardhshme në arenën europiane, ashtu edhe në sfidat e sezonit të ri futbollistik.
