Kanë përfunduar pjesët e para në 4 ndeshjet e javës së 25-të në Kategorinë Superiore.
Tirana dhe Laçi e kanë mbyllur në barazim 1-1 pjesën e parë. Fillimisht ishin bardheblutë që kaluan në avantazh me Juregen Çelhaka në minutën e 24-t. Mirëpo, kurbinasit arritën të barazonin shifrat në minutën e 40, me Mentor Mazrekajn.
Bylis ka bërë surprizën në “Adush Muça”. Ballshiotët po fitojnë me rezultatin e pastër 2-0 ndaj Kukësit, falë dopietës së Edison Ndrecës.
Gjithashtu edhe Skënderbeu po fiton 1-0 ndaj Apolonisë. Golin për korçaret e shënoi Leard Sadriu në minutën e 25-t.
Ndërsa ndeshja mes Kastrioti dhe Vllaznisë është mbyllur në barazim pa gola.
