Sulmuesi i Kombëtares shqiptare Rey Manaj po zhvillon një sezon spektakolar në Turqi me skuadrën e Sivaspor.
‘Bomberi’ kuqezi është përzgjedhur në formacionin e javës në Superligën turke, madje është vlerësuar me notën më të lartë (8.3) nga faqja e specializuar “Sofascore”.
Manaj ka shënuar 18 gola në 32 ndeshje të luajtura në kampionat këtë sezon dhe falë paraqitjeve të mira shpreson një ftesë për në Euro 2024 nga trajneri i kombëtares Sylvinho.
Pjesë e formacionit më të mirë të javës së 37-të të kampionatit turk është edhe mbrojtësi i Kosovës U21, Amar Gerxhaliu i cili luan për Antaliaspor.
