Ish-ylli i Barcelonës dhe Atletico Madridit, Ardan Ruran është dënuar me një vit burg për mashtrim tatimor në Spanjë, sipas gazetës spanjolle Mundo Deportivo.
Një gjykatë spanjolle vendosi të martën, më 19 mars, se ish-lojtari i Turqisë u shpall fajtor për kryerjen e dy akuzave të mashtrimit tatimor në 2015 dhe 2016.
Dënimet për më pak se dy vjet mund të pezullohen për shkelësit për herë të parë në Spanjë, që do të thotë se ish-mesfushori i Barcelonës nuk do të duhet të shkojë në burg.
Megjithatë, ai është akuzuar me një gjobë të rëndë prej 633,000 euro.
Turan do të duhet të paguajë dy gjoba prej 303,000 euro për vitin 2015 dhe 330,000 për vitin 2016 respektivisht.
Ish-mesfushori sulmues nuk ka dorëzuar vetëvlerësimin e taksës për vitet e sipërpërmendura financiare, pavarësisht se ka fituar një shumë të konsiderueshme.
Kjo nuk është hera e parë që një yll i madh i futbollit kapet për mashtrim tatimor në Spanjë. Lionel Messi, Cristiano Ronaldo dhe Jose Mourinho u dënuan gjithashtu në raste të ngjashme.
Megjithatë, asnjëri prej tyre nuk shkoi në burg dhe në vend të kësaj duhej të paguante gjoba të mëdha.
Turan kaloi një periudhë të rëndësishme të karrierës së tij futbollistike si lojtar në Spanjë, pasi kishte luajtur për Atletico Madridin dhe Barcelonën.
Ai iu bashkua Barçës në 2015 nga Atletico Madrid dhe luajti për klubin katalanas derisa u huazua në janar 2018 te Basaksehir.
37-vjeçari bëri gjithsej 233 paraqitje për të dy klubet në total, duke shënuar 37 gola dhe duke prodhuar 43 asistime.
Reprezentuesi turk me 100 ndeshje i vari këpucët në vitin 2022 pas periudhës së dytë te Galatasaray dhe aktualisht është menaxher i klubit të Ligës së Parë , Eyupspor. /Telegrafi/
