Këngëtarja shqiptare me famë botërore, Dua Lipa, është shfaqur duke u puthur me partnerin e saj, Callum Turner, në Los Anxhelos.
Këngëtarja e hitit “One Kiss” dhe aktori britanik, u panë duke u puthur, përqafuar dhe buzëqeshur ndërsa morën kafe dhe bënë disa blerje.
Çifti dukej shumë i lumtur dhe po shijon fazat e para të lidhjes së tij.
Si një kavalier i vërtetë, Callum kishte hedhur krahun mbi shpatullat e Duas dhe mbante çantat e saj.
Kjo është hera e dytë që Dua dhe Callum, dalin së bashku në publik.
Në fillim ata u panë në një restorant të famshëm me kuzhinë aziatike, ku bënë publike lidhjen e tyre.
Historia e tyre ka habitur fansat dhe njëkohësisht ka shkaktuar një zhurmë të madhe.
Kjo ngjarje e fundit, duket se vetëm përforcon pozitën e tyre si një ndër çiftet më të përfolur të showbiz-it.
